Category: Austria

खूप सुंदर आणि प्रसन्न सकाळ! वातावरणात एक आल्हाददायक गारवा आहे!(पाऊस पडल्यावर येतो ना तसा) हॉटेल समोरून वाहणाऱ्या एका छोट्या झर्याचा मोठा खळखळाट! किलबीलणारे पक्षी! ह्या एवढ्या fresh हवेत लवकर उठून morning walk ला जायचा आनंद कसा चुकवणार? DSLR आणि mobile सज्ज करून ७.00 वाजता रुमच्या बाहेर पडलो. समोरची बाग ओलांडून मुख्य रस्त्यावर आलो. स्वच्छं रस्ते आणि आखीवरेखीव असे गाव! गावातल्या मुख्य चौकात पोहोचलो तेव्हा तिथे छोटे भाजी market दिसले. (आपल्या इथली मंडई असते तशी! पण छोटी, आटोपशीर आणि तुरळक गर्दीची..)

इथे अनेक stalls दिसले. flower, कोबी, tomato, ब्रोकोली अश्या ताज्या भाज्या होत्या तर fresh Blueberry, strawberry, apples, केळी, dryfruits हि होती! food truck सारख्या गाडीमध्ये cold storage चे food items म्हणजेच अनेक प्रकारचे फिश, meat, sausages होते. रंगीबेरंगी अंडी, breads होते.

इथे बागकामाची , फुलझाडांची हौस हि फक्त summer चे ३-४ महिनेच करता येते. त्यामुळे अनेक छोट्या छोट्या कुंड्यात फुल-झाडे, succulents हि मोठ्या प्रमाणावर विकायला होती..पुढे चालत गेल्यावर एका चर्च च्या बाजूलाच गुलाबी फुलांनी लगडलेले सुंदर cherry blossomचे झाड दिसले!

या गावात अजून एक वेगळीच कला प्रथमच पहिली ती म्हणजे एक मोठे झाड घराच्या भिंतीलगत वेलीप्रमाणे जमिनीपासून अगदी २ मजली छतापर्यंत वाढवत न्यायचे. झाडाच्या फांद्या घराच्या खिडक्यांच्या आजुबाजुनी  वाढू द्यायच्या. आणि हे फक्त २-dimensional plane मध्ये! इतके भारी दिसत होते!! ह्याला ‘Espalier’ असे म्हणतात. जसे बोन्साई मध्ये  झाडे एका विशिष्ठ पद्धतीने वाढवतात तशीच ह्या पद्धतीत फांद्यांचे prooning करून झाड २ dimensional plane मध्ये वाढवतात. apple, pear अशी फळझाडे व अनेक फुलझाडे अशा पद्धतीने घराच्या stone finish किंवा contrast colour च्या भिंतीच्या  background वर इतकी सुंदर दिसतात.

ऑस्ट्रिया हा इतका सुंदर देश आहे आणि ह्याचे सौंदर्य जपण्याचाच नाही तर ते वृद्धींगत करण्याचा प्रयत्न इथला प्रत्येकजण करतो!

तर असा तासाभराचा फेरफटका मारून हॉटेल वर परत आलो.

 तासाभरानी हॉटेल वर परत आलो तेव्हा भूक लागल्यामुळे direct breakfast करायला गेलो. breakfast hall छोटेखानी पण सुंदर सजवला होता. host ची serving ची लगबग चालली होती. breakfast चा spread खूप छान होता. आज प्रथमच एवढ्या दिवसात scrambled egg..ऑम्लेट चा option होता. Dryfruits, fresh fruits, cereals, muffins, वेगवेगळ्याप्रकारचे breads, flavoured cheese, flavoured yogurt, salads, fresh fruit juice असा अगदी शाही breakfast होता!!

आणि मुख्य म्हणजे अतिशय अप्रतिम coffee होती! अख्या ट्रिपमधली best coffee मी इथे प्यायले!

europe च्या coffee culture मध्ये coffee हि फार गरम serve करत नाहीत. थोडीशी कोमट असते…पण आपल्याला अगदी गरमागरम चहा किंवा coffee ची सवय असते. त्यामुळे बहुतेक वेळेला आम्ही extra hot coffee मागायचो. आणि ते लोक आमच्याकडे प्रश्नार्थक नजरेने बघायचे. are you sure? असे विचारून हसून मग ती coffee microwave करून आणून द्यायचे!

आज salzburg city tour करायची होती पण त्याआधी एक मोठा programme होता! तो म्हणजे साडीतल्या फोटोचा! एवढ्या सुंदर निसर्गसौन्दार्यात बर्फाच्या backgroundवर साडी नेसून फोटो काढायचेच हा आमच्या ‘wishlist’ मधला एक नंबरचा item होता! त्यासाठी साड्यांची- blouse ची जुळवाजुळव करण्यापासून ते आपापल्या नवर्यांना आमचे फोटो काढण्यासाठी पटवेपर्यंत जय्यत तयारी केली होती! ह्या सर्व (उद्योगासाठी!) आम्हाला ४५ मिनिटाचा वेळ (मंजूर!) करण्यात आला होता!

वेळेचा पुरेपूर उपयोग करत जवळच्याच बागेत (हे location आम्ही सकाळीच morning walk ला जाताना हेरून ठेवले होते!) मनसोक्त fashion photography अखेर पार पडली! आमचा हा सर्व (विनोदी!) प्रकार बघून आजूबाजूची लोक आम्हाला हसत असतील असेही एकदा वाटले! पण त्यातीलच एक म्हातारे Austrian couple  जेव्हा आमच्या जवळ आले आणि भाषा समजत नसल्यामुळे हातवारे करून सांगू लागले की त्यांना आमच्या बरोबर फोटो काढायचा आहे तेव्हा आपल्या इंडिया तील साडी आणि कुंकू ह्याची तिकडे अजून असलेली नवलाई जाणवली!! आणि ह्या पेहेराव बद्दलचा अभिमान हि वाटला!

मग पटापट कपडे बदलून पुढे निघालो ते जवळच असलेल्या sommerrodelbahn ला! हि एक adventure ride आहे. जवळजवळ आपल्या पर्वतीच्या उंची एवढ्या टेकडीवरून जमिनीलगत असलेल्या वळणावळणाच्या track वरून आपण घसरत खाली येतो! आणि खाली येताना समोर दिसत असते अप्रतिम निसर्गसौंदर्य! एखाद्या rollercoaster प्रमाणेच असते हि ride!ह्याच track वरून आपल्याला उलटे खेचून वर पर्वताच्या टोकावर घेऊन जातात! उलटे ह्यासाठी की आपण खाली असलेले lake समोरचे पर्वत ह्याचा आनंद घेत जावे! पहिली ride घाबरतच केली पण मग दुसरी करताना मस्त video shooting पण केले.

ह्यानंतर निघालो ते Salzburg city कडे! पावलोपावलीचे सृष्टीसौंदर्य डोळ्यांना तर गाडीतल्या speakers वर लावलेले लताबाई आणि किशोरकुमार चे सूर कानांना तृप्त करत होते!

युरोप मध्ये अनेक highways वर speed limit च्या पाट्या असतात आणि त्याप्रमाणेच कारचा speed ठेवणे अपेक्षित असते! ते मोडल्यास driver ला लगेच ticket मिळते! म्हणजेच दंड होतो. जागोजागी हे speed limit तपासायला कॅमेरे बसवलेले असतात. Austria त तर अगदी झाडाझुडूपात लपवलेले पण कॅमेरे आहेत!

तर साधारण तासाभरात Salzburg आले तेव्हा  दुपारचा १ वाजला होता! तर salzberg बद्दल उद्याच्या post मध्ये!

लांबवर पसरलेली हिरवीगार कुरणे, त्यांना वेढून असलेल्या बर्फाच्छादित alps च्या पर्वतरांगा, उतरत्या छपरांची लाकडी घरे, अधूनमधून दर्शन देणारी निळीशार lakes हे Austrian landscape चे वैशिष्ट्य आहे.

हे असे नजारे वळणावळणावर बघत swarovski बघून झाल्यावर salzberg च्या दिशेने निघालो. वाटेत एका gas station वर lunch break घेऊन hallstatt जवळील Bad Goisern या गावात पोचलो. Bad Goisern यायच्या आधी थोडा वेळ आमच्या गाडीचे satellite navigation slow झाले आणि आम्ही एक वळण चुकलो! परत मागे येण्यासाठी एका गावात शिरून मग highway खालच्या रस्त्यानी मागे वळता येणार होते. पण ती चूक आमच्या चांगलीच पथ्यावर पडली कारण ते गाव इतके सुंदर होते!! अशी हि offbeat countryside गावे खरच इतकी सुंदर असतात ना!

Bad Goisern हे छोटेसे, शांत पण खूप scenic गाव आहे. इथे पोहोचेपर्यंत संध्याकाळचे ५ वाजले.. आमच्या हॉटेल जवळूनच एक छोटा खळाळता ओढा वाहत होता. जवळच एक बाग होती! एक शाळा पण होती! बाजूला राहती घरे होती..हॉटेल च्या बाल्कनीतून परत माझ्या लाडक्या alps चे दर्शन घडतच होते! 

Hotel Pension Maria Theresia हे आमचे हॉटेल दुमजली टुमदार घरासारखे होते. समोर बाग..त्यात बागकाम करणारी आजीबाई..(कदाचित host ची आई असावी) उन्हात खुर्ची टाकून बसलेले आजोबा.. २-४ पायऱ्या चढून गेल्यावर एक व्हरांडा..आत गेल्यावर छोटीशी ६ टेबलांची breakfast-dining area..शेजारीच छोटेसे kitchen..पुढे जीन्यानी वर गेल्यावर खोल्या! जिन्याशी एक छोटेसे reception! हॉटेलच्या मागे आणि उजव्या बाजूला बर्फाच्छादित alps! General च इकडेतिकडे उगवलेली नाजूक व अप्रतिम रंगांची tulips ची फुले!! अगदी सिनेमात असते तसे location होते..

भराभर bags खोलीवर टाकून आम्ही Hallstatt ला जायला निघालो. you tube वर ह्याचे खूप videos बघितले होते.

१०-१५ मिनिटाच्या drive नंतर Hallstatt आले. मोठ्या ‘hallstatt’ lake च्या आजूबाजूला वसलेले हे Hallstatt गाव tourist चे आवडते destination आहे. UNESCO ने world heritage site  म्हणून घोषित केले आहे. आम्ही पोहचलो तेव्हा संध्याकाळचे ५.३० झाले होते. हवेत गारठा वाढला होता..आजूबाजूला पुष्कळ चीनी लोक दिसत होती! पार्किंग lake पासून थोडे लांब मिळाले होते..

lake पाशी पोचलो तेव्हा परत एखाद्या  स्वप्नातल्या गावात आल्यासारखे वाटले. अथांग असे निळेशार पाणी असणारे ते lake..त्याच्यामागे भव्य-दिव्य असे भासणारे हिरवेगार पर्वत…त्यांच्या डोक्यावर बर्फ..आणि अश्या backdrop वर वसलेले हे राखाडी छपरांचे गाव.. अगदी ‘picture perfect’ म्हणावे असे!! लगेच तिथेच water colours काढून painting करत बसावे असे!!

lake च्या डाव्या बाजूनी मस्त झोकदार वळण घेत एक रस्ता जात होता. त्या वाटेनी आम्ही चालू लागलो..रस्त्याच्या उजव्या हाताला lake..तर डावीकडे डोंगरावर वर वर चढत जाणारी घरे  आणि अनेक shops, cafes होते. जमिनीचा एक तुकडा मधूनच lake च्या पाण्यात घुसला होता आणि तिथे असलेल्या एका चर्चचा सुळक्यासारखा वर आलेला bell tower त्या skyline मध्ये  खूपच सुंदर दिसत होता.. त्याचे ..पर्वतांचे..पाण्यात पडणारे ते प्रतिबिंब तर लाजवाबच!!

 तो निवांतपणा..ती शांतता..ती निसर्गाची भव्यता..मनात हळूहळू झिरपवत आम्ही lake च्या कडेनी कितीतरी वेळ चालत राहिलो!

त्या गार हवेत कॅफेतून मधूनच येणारा तो coffee beans चा वास मनाला तरतरी देत होता!! संध्याकाळचे ७-७.३० वाजले होते..तरी भरपूर उजेड होता..भूक लागली होती..तेव्हा रस्त्याच्या कडेला टेबल-खुर्च्या मांडून ठेवलेल्या एका कॅफे कम resto मध्ये गेलो. आज Europe मधील speciality असलेले पदार्थ खायचे ठरवले. तेव्हा chicken schnitzel, fish n chips असे मागवले. आणि इथली special अशी gluehwein  म्हणजेच दालचिनी flavour ची गरम वाफाळती wine प्रथमच प्यायली!

मस्त जेवण करून hallstatt ची हि दृश्य मनात घोळवत परत Bad Goisern च्या दिशेने लागलो.

जाताना मागच्या डोंगरावर एक funicular (म्हणजे उतरत्या डोंगरावरची रेल्वे..)दिसली! इथे आहे प्रसिद्ध salt mine!

Hallstatt ह्या गावाला निसर्गाची अजून एक देणगी लाभली आहे ती म्हणजे इथल्या पर्वतात असलेले मिठाचे साठे! सुमारे ७००० वर्षापूर्वी इथे मिठाचे साठे सापडले. जगातील सर्वात जुनी आणि अजून चालू असलेली salt mine आहे हि! आणि ह्या salt mineची एक छान tour आहे. आम्ही इथे गेलो नाही पण हि मिठाची खाण नक्कीच बघण्यासारखी आहे! पर्वताच्या पोटातील ह्या खाणीत २१ माजले आहेत त्यातील 3 च tourist ना बघायला open आहेत. विविध प्रकारचे salt stones इथे आहेत. आणि त्यात ९०% पर्यंत मिठाचा अंश आहे. याशिवाय युरोपमधील सर्वात जुना लाकडाचा जिना..आणि ‘man in salt’ हि ह्या mine ची खासियत आहे. (म्हणजेच prehistoric काळातील १८ व्या शतकात सापडलेली एका minerची ‘well preserved body’ इथे आहे)

जवळच २०१३ मध्ये बांधलेला sky walk आहे. खाली वसलेल्या Hallstatt च्या घरांच्या वर ३६० मी. उंचीवर हा बांधला आहे. इथून पूर्ण Hallstatt गाव अतिशय अप्रतिम दिसते! श्वास रोखून बघायला लावणारा हा point ‘not to miss’ यादीत आहे!

तर गेले काही वर्षांपासून मी मोठ्या trip ला गेल्यावर त्याचे प्रवासवर्णन लिहिते.. माझ्यापुरते..माझ्या diary त! त्याचा उद्देश एकाच असतो की ५..१०..१५..वर्षांनी ते वाचल्यावर परत ते स्थळ,ते वय, तो काळ जगता यावा! कारण काळाच्या ओघात अनेक बारीकसारीक तपशील आपण विसरून जातो! फोटोच्या रुपात काही आठवणी ताज्या राहतात पण सगळेच क्षण काही फोटोत बंदिस्त होऊ शकत नाहीत!

तर ह्यावेळी आम्ही मित्र-मैत्रिणींनी एप्रिलमध्ये युरोपमध्ये  रोड trip केली…जर्मनीपासून निघून Amsterdam-Rhine Falls-Austria-Budapest-Prague  असे करून जर्मनीत परत आलो..मुलांशिवाय केलेली (कदाचित पहिलीच!) हि trip आम्हा ६ जणांना परत कॉलेजच्या दिवसात घेऊन गेली!!

खूप मजा मस्ती केली..धमाल गमती-जमती अनुभवल्या! अचानक पणे Tulip च्या शेतात जायला मिळणे.. Austriaत मधेच पोलिसांनी गाडी checking ला अडवणे.. प्रचंड गार बोचऱ्या वाऱ्यात पायाला भिंगरी लावल्याप्रमाणे सकाळपासून रात्रीपर्यंत बुडापेस्ट मध्ये फिरणे..तिथल्या हॉटेल मध्ये part-time waitress चा job करणारी मुलगी पुण्यातील निघणे..Prague मध्ये पडलेल्या तुफान पाऊस आणि थंडीमुळे तिथून अक्षरशः पळ काढावा लागणे.. रात्री 12 वाजता कुठलेच transport न मिळाल्यामुळे तिथल्या अनोळखी, सुनसान रस्त्यावरून जीव मुठीत धरून ४-५ की.मी. हॉटेलपर्यंत चालत येणे..

आणि महत्वाचे म्हणजे आमची  ‘black beauty’- Mercedes V-class  हि गाडी मिळवण्यासाठी आनंद-गौरीने ‘बेललेले पापड!’… त्यानंतर न थकता उत्कृष्ट,एकहाती आनंदने केलेले ५००० किमी चे driving! गौरीचे त्यांच्या जर्मनीच्या घरचे प्रेमळ आदरातिथ्य..

सचिनची मुंबईतील ‘भाईगिरी’… तर पूर्वाची फोटोंची धमाल! योगायोगानी प्रत्येक जोडप्याने येताना आपापसात same च केलेला ‘अलिखित करार!’….अशा एक न अनेक किती गोष्टी सांगू…

ट्रीपमध्ये वेळोवेळी माझे हे सर्व diary त लिहिणे चालूच होते.. आणि मग सर्वांच्या आग्रहातून हि कल्पना आली की ह्यावेळी हे अनुभव इतरांबरोबरही share करावेत.. म्हणून हा ‘blog’प्रपंच!

तर मला सगळ्यात आवडलेला देश..Austria बद्दल मी इथे पुढील ६ दिवस रोज लिहिणार आहे!

हा माझा पहिलाच प्रयत्न आहे..तेव्हा कसा वाटला ते जरूर मला कळवा!